C.D. Ardentía. Ardentía(Edicións do Cumio)

A “RABIA AO SILENCIO” que cantaba Yupanki da nome a este traballo composto por unha escolma de cancións populares, folclóricas ou de autor, mais todas elas ligadas a un pobo do que manaron e ao que nutriron.Maria Xosé Silvar, Sés, proponnos desta volta un traballo acústico, máis íntimo e directo do que nos ten acostumados, para traer á Galiza do século XXI xoias musicais que na pasada centuria chegaron de ultramar (Cuba, Arxentina, Brasil...), mais tamén de diferentes puntos da Península Ibérica, na voz de Carlos Puebla, Víctor Jara, Mercedes SoSa ou Zeca Afonso. Cancións adaptadas á nosa lingua que foron, no seu momento, semente ou crónica dos grandes movementos sociais do século XX, cancións que exemplifican a pluma e a voz profundas, humanas e solidarias.María Xosé Silvar "SES" - voz, guitarra e percusiónSabela Galbán - voz, acordeón e flautaTito Calviño - guitarra

Liorna é un dos grupos que sobrevivíu á criba logo da eclosión de grupos folk en Galicia. Indubidablemente, a súa constancia e calidade determinaron o éxito.

O quinteto de recompiladores de música tradicional Ruote amósanos neste traballo de impecable feitura un amplo abano de feitos musicais de tradición.

OS TERRIBLESOs terribles de Arousa continúan na súa laboura de amosar o repertorio máis representativo dos gaiteiros populares das bisbarras galegas. 

PANDEIRETEIRAS DE TOUTÓNToutón é xa sinónimo de canto e pandeireta en toda a terra galega, pola súa riquísima tradición. Situada ao norte do concello de Mondariz , enmarcada nunha grande área do interior-sur da provincia de Pontevedra, onde a música tradicional, e sinaladamente o canto. Entre os meses de novembro e marzo, cando os días son curtos e o traballo ía afrouxando, a mocidade das aldeas xuntábase para facer ela mesma un baile onde cantar, tocar e, sobre todo, namorar. Estes bailes recibían moi diversos nomes dependendo da zona: ruada, foliada, fiadeiro, polavila, trisca… e, nas comarcas do Condado, Paradanta, Baixo Miño e algún concello lindeiro máis, a estes bailes de pandeireta invernais adóitaselles chamar seráns.

Ancoradoiro conseguiu ser a agrupación de gaitas máis compacta e espectacular de Galicia. Será moi difícil igualar a súa calidade.