C.D. Os Nosos Gaiteiros. Pablo Carpintero.(Edicións do Cumio)

III Concurso de Gaiteiros Manuel VillanuevaVARIOS AUTORESEn 1993 Miguel Martínez Chapela tivo a iniciativa de organizar un concurso de gaiteiros solistas en lembranza de Manuel Villanueva, o gaiteiro de Poio. O proxecto foi ben recibido e este certame denominouse Concurso de Gaiteiros Solistas Memorial Manuel Villanueva. En 2006 Oscar Ibañez recupera este concurso como unha das actividades do I Encontro de Gaiteiros Manuel Villanueva. Gaitas de fol do Noroeste. No III participaron nove conxuntos de toda Galicia. Este CD contén a gravación en directo do concurso. 

O quinteto de recompiladores de música tradicional Ruote amósanos neste traballo de impecable feitura un amplo abano de feitos musicais de tradición.

OS ALEGRESHerdeiros directos do fundador do grupo, Alejo Aboal, estes músicos ofrécennos o repertorio inicial dos anos corenta.

O Grupo de Música Tradicional Pai da Cana recolle no seu novo disco, paidacana12 (Edicións do Cumio, 2007), os 12 anos de traxectoria do conxunto amosando as distintas formacións musicais que foi adoitando, así como unha parte do seu repertorio a través do que se pode percibir a súa evolución musical. O grupo, formado en 1995 na asociación cultural do mesmo nome de Poio, ten un repertorio de pezas das charangas galegas que existiron no país e mais en América dende finais do século XIX, ritmos importados coma o vals, a mazurca, a polca, a ranchera, o tango ou a rumba, que na altura se relacionaban co progreso e a modernidade, e outras pezas tradicionais arranxadas dentro desta estética musical de entreséculos

Logo de quince anos de andaina, o grupo de música folk Ardentía achéganos unha cuarta entrega da súa produción discográfica. Trátase dunha aposta madurada onde a súa calidade artística queda sobradamente demostrada.

Os Alegres de Pontevedra presentan outra pequena mostra do seu repertorio co único afán de preservalo, transmitilo e tamén, co de facer que quen escoite se achegue e goce da música galega, concretamente da que recollen os cuartetos tradicionais de gaita dende principios do século XX ata a actualidade. A selección de pezas presenta dúas vías de achega: por unha banda, melodías tradicionais que veñen sendo interpretadas por Os Alegres dende a súa formación alá polo ano 1939 ata hoxe; por outra banda as composicións actuais achegadas polos seus amigos e colaboradores.